مدونتي ( كبرياء فتاة ) عن ( قفشات شعريه )

ماالومك عفتني معاشرك يومين !
اني العاشرتهم عمر عافوني

ملك الموت أحسن منك هواي
من سما اتعنالي للبيت !

شلونك بالقواعد زين لو مو زين ؟
شنو اعراب الكلب لمن كسرته !

صوجك يا ملح احبابي مايوفون ؟
انت الماوفيت وغزرت بيهم

على الباكيت كتبوا احذر التدخين ؟
ومن حبك ابد ما حذروني @

اكتبله شعر ويكولي المن هاااي ؟
بحركه اجاوب ... لاهيج مويمك

تحس ذله شكبرهه لو يسألوك !
ها وين التحبه اليوم شو وحدك @

كبل سنتين شفتك بالحلم جيت
لحد الآن مافاتح عيوني !

صدكني بغيابك ابقى محتار
مثل اخرس يريد ايعايد امه @

الليل شكد خبيث بسرعه يكظي وياك
وشطوله يصير وانته ماموجود !!!

كول خطوه بغيابك تاخذ مني عام ؟
ابعد والتفت تلكاني شايب @

ماغش بمحبتك لاتظن فد يوم !
ترى قاري الوفه حتى بملازم @

احسك بالعشك ماتعرف اي شي
لكن بالخيانه مبين استاذ ~

ماكلك كرهتك بس كرهت الحظ :
لأن خلاني أحبك وانته ماتسوه ْْ

مايحتاج اكلك ليش رح تروح
بس يحتاج اكلك بعد لاترجع *